G.A. van der Lugt

Gerhardus Albertus van der Lugt (Etten, 1897 - 1966) was een onderwiezer en schriever in 't Achterhoeks. Hij schreef verhalen onder de schoelname 'Oet Gelster', umdet e op Gelster schoelheufd was.

Onderwieswark

Van der Lugt, wie zien va heufd van de schoele op Etten was, keus krek as zien va veur 't onderwies. Al mit krapan achttien jaor haalde e an de Rieksnormaalschoele in Deutekem de akte leger onderwies. Achterienvolgens was e onderwiezer in Vierakker, Renkum, Eindhoven, Gelster (schoolheufd vanof 1909) en Borklo (heufd van de ulo van 1917 töt zien pensionering in 1936). In Borklo bleef e daorna wonen.

Schrieverije

Toe as Van der Lugt in Gelster woonde, begunde e verhalen in 't Achterhoeks te schrieven, daor as e 't laand en de lu in töt leven bracht. As jonggien was e vake te vienden ewest in de meule van Gerardus te Boekhorst en die zien zeuns Bennat (Bernard) en Jan. Bename Bennat kun machtig mooie verhalen vertellen; dizze verhalen gebruukte Van der Lugt in zien schrieverije aover Bennat en zien meule.

Zien verhalen wördden ebundeld as De Mölle I (1934), De Mölle II (1950) en postuum De Mölle III (1977) en De Mölle IV (1995).

Wieders

Van 1927 töt zien wegraken zat Van der Lugt in 't bestuur van oldheidkeundige veriening De Graafschap. Veul van zien verhalen stunden in 't verieningsblad Archief. In 1963 wördden mit zien financiële hölpe de G.A. van der Lugt Stichting opericht veur de bescharming van kleine netuur- en historische monumenten en 't behold van 't Achterhoeks.

Bronnen

• Webstee G.A. van der Lugtstichting (Nederlaandstalig)

Dit stok is eschreven in 't Zuudwest-Drèents.